တီဂျစ် ကျောက်မီးသွေး သတ္တုတွင်းနှင့် စက်ရုံမှ စွန့်ပစ်ရေများ

လေထုညစ်ညမ်းမှုများ

တီဂျစ် ကျောက်မီးသွေး သတ္တုတွင်းနှင့် စက်ရုံမှ စွန့်ပစ်ရေများ

Postby acmv » Thu Feb 23, 2012 12:27 pm

တီဂျစ် ကျောက်မီးသွေး သတ္တုတွင်းနှင့် စက်ရုံမှ စွန့်ပစ်ရေများ ချောင်းထဲသို့ စွန့်ပစ်နေ
Thursday, 05 January 2012 21:11 ဒူကဘာ
E-mail Print
Image
ပအိုဝ်း လူငယ် အစည်းအရုံးထုတ် တီဂျစ် ကျောက်မီးသွေးမိုင်း အစီရင်ခံစာ မျက်နှာဖုံးပုံ
ရန်ကုန်၊ ဇန်န၀ါရီ ၂

မြန်မာနိုင်ငံတွင် ပထမဦးဆုံး တည်ဆောက်သော ရှမ်းပြည်နယ်ရှိ တီကျစ် ကျောက်မီးသွေး
လျှပ်စစ်ဓါတ် အားပေးစက်ရုံနှင့် ကျောက်မီးသွေးထုတ် သတ္တုတွင်းမှ စွန့်ပစ်ရေများကို
ပင်လောင်းတွင် မြစ်ဖျားခံ စီးဆင်းကာ အင်လေးကန် အတွင်းစီးဝင်သည့် အထက်
ဘီလူးချောင်းထဲသို့ စွန့်ပစ်လျက်ရှိကြောင်း ယင်း ဒေသခံများက The Voice Weekly
သို့ ဆက်သွယ် ပြောကြားသည်။


တောင်ကြီးနှင့်ဟိုပုံး မြို့ကြားရှိ အမှတ် ၅ သံမဏိ စက်ရုံသို့ လျှပ်စစ် ဓါတ်အားများ
ပေးပို့လျက်ရှိသော ကျောက်မီးသွေးသုံး လျှပ်စစ်ဓါတ်အားပေး စက်ရုံသည် လျှပ်စစ်
ဓါတ်အား ၁၂၀ မဂ္ဂါဝပ် ထုတ်လုပ်နိုင်ပြီး တရက်လျှင် ကျောက်မီးသွေး တန်၂၀၀၀ခန့်
အသုံးပြုလျက်ရှိကာ ကျောက်မီးသွေး လောင်စာများကို အအေးခံရန် လိုအပ်သော
ရေများကို အထက် ဘီလူးချောင်းမှ စုတ်ယူ အသုံးပြုသော်လည်း ယင်း ရေများကို
ချောင်းအတွင်း သို့သာ ပြန်လည် စွန့်ပစ်ကြောင်း ၄င်းတို့က ပြောဆိုကြသည်။
“ကျောက်မီးသွေး စက်ရုံက စွန့်ပစ် ရေတွေက အင်လေးကန်ရဲ့ သဘာဝ ပတ်ဝန်းကျင်ကို
ခြိမ်းခြောက်လာမှာ ဖြစ်ပါတယ်” သဘာဝ ပတ်ဝန်းကျင်ရေးရာ လေ့လာသူ ဦးခွန်တင် က
ပြောကြားခြင်း ဖြစ်သည်။

ကျောက်မီးသွေးသုံး လျှပ်စစ်ဓါတ်အားပေး စက်ရုံနှင့် တမိုင်အကွာတွင် ရှိသော
ကျောက်မီးသွေး သတ္တုတွင်းမှာလည်း ၅နှစ်ကျော် သက်တမ်း ရှိလာပြီ ဖြစ်သည့် အတွက်
အနက်ပေ ၅၀၀ ခန့် ရှိလာကာ ရေများ အဆက်မပြတ် ထွက်လာသောကြောင့်
ရေစုပ်စက် ၁၀လုံးကို ၁၀လက်မ ပိုက်ကြီးများဖြင့် ၂၄နာရီ စုပ်ထုတ်နေရပြီး
ယင်း စုပ်ထုတ်ရေများကို အထက် ဘီလူးချောင်းနှင့် ယင်းနေရာ တဝိုက်ရှိ
မြေလွတ်များတွင် စွန့်ပစ်ကြောင်း ၄င်းက ပြောကြားသည်။ “သတ္တုတွင်း မိုင်းခွဲတဲ့
အတွက် မြေတွေ တုန်ခါတဲ့အတွက် စေတီတွေတောင် ပြိုကျတယ်" ဟု ၄င်းက
ထပ်လောင်း ပြောကြားသည်။ တီကျစ် ကျောက်မီးသွေး သတ္တုတွင်းသည် ၅၅၄ဧက
ကျယ်ဝန်းပြီး တနှစ်လျှင် တန် ၆သိန်းကျော် ထုတ်လုပ်လျက် ရှိပြီး လက်ရှိ ထုတ်လုပ်မှု
ပုံစံဖြင့် နှစ်၃၀ခန့် ထုတ်ယူနိုင်ကြောင်း ယင်း သတ္တုတွင်းကို လေ့လာ ဆန်းစစ်ထားသော
စာတမ်း တစောင်၏ ဖော်ပြချက်အရ သိရှိရသည်။

ကျောက်မီးသွေးသုံး လျှပ်စစ်ဓါတ်အားပေး စက်ရုံကိုမူ ဧဒင် ကုမ္ပဏီ နှင့် China
National Heavy Co-oporation co;ltd တို့ ပူးပေါင်း လုပ်ဆောင်လျှက် ရှိပြီး
ယင်းစက်ရုံမှ လျှပ်စစ်ဓါအား ၁၂၀ မဂ္ဂါဝပ်ထုတ် လုပ်နိုင်သော်လည်း လက်ရှိတွင်
မဂ္ဂါဝပ် ၆၀ အတွက်သာ လည်ပတ် ထုတ်လုပ်နေကြောင်း ယင်းစာတမ်းတွင်
ဖော်ပြထားသည်။ ယင်း စက်ရုံမှ စွန့်ပစ် ပစ္စည်းများနှင့် တရက်လျှင် တန်၁၅၀ ခန့်
ထွက်သည့် ကျောက်မီးသွေးပြာ များကို လမ်း ပြင်ဆင်ခြင်းများတွင် အသုံးပြုသည့်
အတွက် ကနဦး အစပိုင်းတွင် ဆိုးကျိုး မဖြစ်ထွန်းသော်လည်း ပွင့်လင်းရာသီတွင်
ဖုန်များကြောင့် ခန္ဓာကိုယ်ပေါ်တွင် ယားယံစေသည့် အဖုအပိန့် ဖြစ်လာစေကြောင်း
အထက်ပါ စာတမ်းတွင် ဤသို့ ဖော်ပြထားသည်။

သတင်း - မင်းထက်စံ
acmv
Site Admin
 
Posts: 3962
Joined: Thu Dec 16, 2010 8:23 am

Return to လေထုညစ်ညမ်းမှုများ

Who is online

Users browsing this forum: No registered users and 1 guest

cron